Ўзбекистонда йўл-қурилиши объектларида қўпол равишда қоидабузилишларга йўл қўйган мансабдор шахсларга нисбатан тегишли чоралар қўлланди, деб хабар бермоқда Транспорт вазирлиги матбуот хизмати.
Маълум қилинишича, вазирлик ҳузуридаги йўл қурилиш ишларининг сифатини назорат қилиш инспекцияси томонидан 2023 йилнинг январь—май ойлари давомида 1519 та объектда сифат назорати олиб борилди ҳамда йўл-қурилиши объектларида аниқланган 389 та қоидабузилиш ҳолатларини бартараф этиш бўйича буюртмачи, пудратчи, лойиҳачи, сақловчи ва бошқа ташкилотларнинг масъул ходимларига 254 та бажарилиши мажбурий бўлган ёзма кўрсатма берилди.
Бугунги кунда 254 та кўрсатмадан 202 тасининг ижроси таъминланди. Қолган 52 та кўрсатманинг ижроси устидан назорат ўрнатилган.
Изоҳ (0)