Россия Украина қишлоқ хўжалиги маҳсулотларини Қора денгиз портлари орқали экспорт қилишга имкон берувчи дон шартномасига “муқобил” вариантларни тайёрламоқда. Бу ҳақда Россия Ташқи ишлар вазирлигига таяниб, “РИА Новости” хабар берди.
Бу масала Россия ташқи ишлар вазири раҳбари Сергей Лавров ва Туркия ташқи ишлар вазири Хоқон Фидан ўртасидаги телефон суҳбатида кўтарилган. Суҳбат Туркия томонининг ташаббуси билан бўлиб ўтган.
“Қора денгиз ташаббусига муқобил равишда вазирлар Киев ва унинг ғарблик ҳомийларининг ъпортловчи ҳаракатлариъга боғлиқ бўлмаган, энг муҳтож мамлакатларга дон етказиб беришнинг бошқа вариантларини кўриб чиқди”, — дейилади хабарда.
Лавров Россиянинг дон шартномасини узайтириш бўйича бешта талабини санаб ўтган ва уларнинг ҳеч бири бажарилмаганини таъкидлаган. Ғалла бўйича келишувларни амалга ошириш 18 июлдан бошлаб тўхтатилди, Россия Ташқи ишлар вазирлигига кўра, Москва Украина томони, Туркия ва БМТни хабардор қилган.
Туркия президенти Ражаб Тоййиб Эрдўғон 17 июль куни Россия президенти Владимир Путин билан дон келишувини давом эттириш масаласини муҳокама қилишни режалаштираётганини айтди. Россия президенти матбуот котиби Дмитрий Песков Путиннинг Эрдўғон билан ҳали алоқага чиқиш режаси йўқлигини билдирди.
2022 йил 22 июлда Россия, Туркия, Украина ва БМТ вакиллари томонидан имзоланган Қора денгиз ташаббуси Украина дон ва озиқ-овқат маҳсулотларини Қора денгиз орқали учта портдан, жумладан, Одессадан ўғитларни экспорт қилишни назарда тутган. Истанбулдаги қўшма мувофиқлаштириш маркази кемалар ҳаракатини назорат қилиш билан шуғулланган.
Дон ташаббуси пакетли битимнинг ажралмас қисми эди. Иккинчи қисм уч йилга мўлжалланган Россия—БМТ меморандуми бўлиб, Россиянинг озиқ-овқат ва ўғит экспортини блокировка қилмасликни назарда тутади.
Росселхозбанкнинг SWIFT тизимига қайта уланиши, қишлоқ хўжалиги техникаси, эҳтиёт қисмлари ва хизмат кўрсатишни қайта тиклаш, Толятти-Одесса аммиак қувурини тиклаш ва бошқа бир қатор чора-тадбирлар асосий вазифалар қаторига киради. Москва пакетли келишувнинг бу қисми амалга оширилмаганини таъкидлаган.
Изоҳ (0)