O‘zbek shou-biznesida hayotidagi eng unutilmas kun — nikoh to‘yini xorijiy mamlakatlarda nishonlaganlar talaygina. Quyida shu haqda so‘z boradi.
Mohichehra Shomurodova
Maqom qo‘shiqlarining mohir ijrochisi Mohichehra Shomurodova omadsiz turmushidan so‘ng o‘z baxtini topdi. U turk yigiti bilan oila qurdi va ularning nikoh oqshomi Turkiyada bo‘lib o‘tdi. To‘y kichik yaxtada, faqat eng yaqin do‘stlar ishtirokida o‘tdi. Kelin-kuyovlar ayni damda asal oyini Antaliyada o‘tkazishmoqda. Xonanda turmush o‘rtog‘i bilan O‘zbekistonga qaytishi va shu yerda yashashini ma’lum qildi.
Sarvara
Xonanda Sarvara ham o‘zga millat vakili bilan oila qurgan. U to‘yi haqidagi gaplarni tasdiqlagan bo‘lsa-da, bugungi hayotini ochiqlashni istamaydi. Faqatgina turmush o‘rtog‘ining turk millatiga mansub ekanligi va ularning to‘yi Istanbulda bo‘lib o‘tganini ma’lum qilgan. Xonanda to‘yi bo‘lmasidan avvalroq Toshkentdagi uyini sotib, Turkiyaga ko‘chib o‘tgandi.
Nilufar Sotiboldiyeva
Taniqli boshlovchi Nilufar Sotiboldiyevaning nikoh oqshomi ham xorijda bo‘lib o‘tgan. Kuyov o‘zbek, ammo o‘sha vaziyatda O‘zbekistonga kirishi bilan bog‘liq muammolar sabab, u to‘yini Maldiv orollarida qilishiga to‘g‘ri kelgan.
Sitora Alimjonova
Aktrisa Sitora Alimjonovaning to‘yi 2017-yili Tailandning Pxuket orolida bo‘lib o‘tgan. Aktrisaning aytishicha, kuyov o‘zbekistonlik tadbirkor. Ammo uning orzulari sabab, to‘y kichik davrada, xorijda bo‘lib o‘tgan. Afsuski, ularning turmushi uzoqqa cho‘zilmadi, to‘yi bilan bog‘liq xotiralar qoldi, xolos.
Nargiza Salmonova
Aktrisa Nargiza Salmonova esa Emrah Sayan ismli turk yigiti bilan oila qurgan. Ularning to‘yi 2018-yili avgust oyida Turkiyaning Bosfor dengizi sohillarida bo‘lib o‘tgan. Nargiza ayni paytda ilk marta farzandli bo‘lish arafasida turibdi.
Kamola Arslonova
Xonanda va aktrisa Kamola Arslonova Turkiyaga qilgan sayohati davomida Mesut ismli yigitni uchratgan. Ular bir-biriga ko‘ngil qo‘yib, oila qurishga qaror qilishgan. Ularning to‘yi 2014-yilda Istanbul shahrida bo‘lib o‘tgan. Hozirda baxtli oilaning ikki nafar farzandlari bor.
Fotima Vohidova
Murod Rajabov rejissorligida suratga olingan “Anora” filmida yetim qiz rolini maromiga yetkazib ijro etgan aktrisa Fotima Vohidova ham turk oilasiga kelin bo‘lgan. Niyozi va Fotima Vohidovalarning nikoh to‘yi 2018-yili Turkiyada bo‘lib o‘tgan. Aktrisa Shahin bilan Turkiyaga sayohatga borgan paytida tanishgan. Ammo uchrashuvga qadar o‘zbek qizlarining turk yigitlariga turmushga chiqishini to‘g‘ri qabul qilmaganini yashirmaydi. Hozirda sobiq aktrisa Sumayya Simay ismli qizchani dunyoga keltirgan.
Izoh (0)