Моҳичеҳра Шомуродова, Наргиза Салмонова ва никоҳ тўйи хорижда нишонланган бошқа ўзбек шоу-бизнеси вакиллари (фото)

Ўзбек шоу-бизнесида ҳаётидаги энг унутилмас кун — никоҳ тўйини хорижий мамлакатларда нишонлаганлар талайгина. Қуйида шу ҳақда сўз боради.

Моҳичеҳра Шомуродова

Мақом қўшиқларининг моҳир ижрочиси Моҳичеҳра Шомуродова омадсиз турмушидан сўнг ўз бахтини топди. У турк йигити билан оила қурди ва уларнинг никоҳ оқшоми Туркияда бўлиб ўтди. Тўй кичик яхтада, фақат энг яқин дўстлар иштирокида ўтди. Келин-куёвлар айни дамда асал ойини Анталияда ўтказишмоқда. Хонанда турмуш ўртоғи билан Ўзбекистонга қайтиши ва шу ерда яшашини маълум қилди.

Сарвара

Хонанда Сарвара ҳам ўзга миллат вакили билан оила қурган. У тўйи ҳақидаги гапларни тасдиқлаган бўлса-да, бугунги ҳаётини очиқлашни истамайди. Фақатгина турмуш ўртоғининг турк миллатига мансуб эканлиги ва уларнинг тўйи Истанбулда бўлиб ўтганини маълум қилган. Хонанда тўйи бўлмасидан аввалроқ Тошкентдаги уйини сотиб, Туркияга кўчиб ўтганди.

Нилуфар Сотиболдиева

Таниқли бошловчи Нилуфар Сотиболдиеванинг никоҳ оқшоми ҳам хорижда бўлиб ўтган. Куёв ўзбек, аммо ўша вазиятда Ўзбекистонга кириши билан боғлиқ муаммолар сабаб, у тўйини Малдив оролларида қилишига тўғри келган. 

Ситора Алимжонова

Актриса Ситора Алимжонованинг тўйи 2017 йили Таиланднинг Пхукет оролида бўлиб ўтган. Актрисанинг айтишича, куёв ўзбекистонлик тадбиркор. Аммо унинг орзулари сабаб, тўй кичик даврада, хорижда бўлиб ўтган. Афсуски, уларнинг турмуши узоққа чўзилмади, тўйи билан боғлиқ хотиралар қолди, холос.

Наргиза Салмонова

Актриса Наргиза Салмонова эса Эмраҳ Саян исмли турк йигити билан оила қурган. Уларнинг тўйи 2018 йили август ойида Туркиянинг Босфор денгизи соҳилларида бўлиб ўтган. Наргиза айни пайтда илк марта фарзандли бўлиш арафасида турибди. 

Камола Арслонова

Хонанда ва актриса Камола Арслонова Туркияга қилган саёҳати давомида Месут исмли йигитни учратган. Улар бир-бирига кўнгил қўйиб, оила қуришга қарор қилишган. Уларнинг тўйи 2014 йилда Истанбул шаҳрида бўлиб ўтган. Ҳозирда бахтли оиланинг икки нафар фарзандлари бор.

Фотима Воҳидова

Мурод Ражабов режиссёрлигида суратга олинган “Анора” фильмида етим қиз ролини маромига етказиб ижро этган актриса Фотима Воҳидова ҳам турк оиласига келин бўлган. Ниёзи ва Фотима Воҳидоваларнинг никоҳ тўйи 2018 йили Туркияда бўлиб ўтган. Актриса Шаҳин билан Туркияга саёҳатга борган пайтида танишган. Аммо учрашувга қадар ўзбек қизларининг турк йигитларига турмушга чиқишини тўғри қабул қилмаганини яширмайди. Ҳозирда собиқ актриса Сумайя Симай исмли қизчани дунёга келтирган.