Shokolad, ayniqsa, qora shokolad bir nechta foydali komponentlarni o‘z ichiga oladi. U sog‘liq uchun foydali bo‘lgan turli antioksidantlarning boy manbai hisoblanadi. Bundan tashqari, shokolad tarkibida magniy, temir va mis kabi minerallar mavjud. Shu o‘rinda shokoladning ozuqaviy tarkibi ishlatiladigan turga va qayta ishlash usullariga qarab farq qilishi mumkinligini ta’kidlash muhimdir, deb yozadi Wday nashri.
Kundalik shokolad iste’mol qilish bilan bog‘liq asosiy muammolardan biri — bu uning vaznni boshqarishga ta’siridir. Shokolad, odatda, yuqori kaloriya va shakarga boy bo‘lib, ortiqcha iste’mol qilinsa kilogramm ortishiga hissa qo‘shishi mumkin.
Ammo qora shokolad yurak-qon tomir tizimi uchun potensial foyda keltiradi. Shokoladda mavjud bo‘lgan foydali elementlar qon aylanishini yaxshilaydi, yallig‘lanishni kamaytiradi va qon bosimini pasaytiradi.
Kakao miqdori yuqori bo‘lgan qora shokoladni tanlash, shu bilan birga shakar miqdori ko‘p bo‘lgan shokolad mahsulotlarini iste’mol qilishni cheklash tavsiya etiladi. Shokolad kayfiyatni ko‘tarishi va zavqlanish hissini ulashishi haqidagi qarashlar uzoq vaqtdan beri mavjud. Bu serotonin va dopamin kabi endorfinlar, boshqa gormonlar tarkibi bilan izohlanadi.
Shokolad iste’mol qilish vaqtinchalik kayfiyatni ko‘taradi va dam olishga yordam beradi. Biroq ta’sir odatda qisqa muddatli bo‘ladi, shuning uchun ortiqcha iste’mol qilish unga qaramlikka olib kelishi mumkin va bu umumiy psixologik holat uchun salbiy oqibatlarga sabab bo‘ladi. Bundan tashqari, shokoladdagi yuqori shakar miqdori tish salomatligiga zarar yetkazishi mumkin.
Ushbu shirinlikni tez-tez iste’mol qilish kariyes rivojlanishiga olib keladi. Og‘izdagi bakteriyalar shakar bilan oziqlanadi va tish emaliga ziyon keltiradigan kislotalar hosil qiladi. Og‘iz bo‘shlig‘ini muntazam ravishda tozalash va iplar bilan yuvish kabi gigiyena usullari tish salomatligiga salbiy ta’sirlarni kamaytirishga yordam beradi.
Izoh (0)