O‘zbekistondan Qirg‘izistonga noqonuniy ravishda 7 tonna nosvoy olib kirishga urinish aniqlandi. Bu haqda 24.kg xabar berdi.
Qirg‘iziston chegara xizmatiga ko‘ra, Qadamjoy tumanida chegarachilar va bojxonachilar Qirg‘iziston fuqarosi boshqaruvidagi “KamAZ” rusumli avtomashinani qo‘lga oldi. Avtomobilni ko‘zdan kechirish chog‘ida 7 tonna nosvoy aniqlandi.
Vaziyatga oydinlik kiritilar ekan, chekilmaydigan tamaki mahsuloti Qirg‘izistonga keyinchalik sotish uchun Cho‘ng‘ara nazorat-o‘tkazish punktlarini chetlab o‘tib noqonuniy olib chiqib ketilgani ma’lum bo‘lgan. Tegishli hujjatlar to‘ldirilib, haydovchi va yuk qo‘shimcha tergov o‘tkazish uchun bojxona boshqarmasi hududiy bo‘linmasi xodimlariga topshirilgan.
Izoh (0)