Ўзбекистондан Қирғизистонга ноқонуний равишда 7 тонна носвой олиб киришга уриниш аниқланди. Бу ҳақда 24.кг хабар берди.
Қирғизистон чегара хизматига кўра, Қадамжой туманида чегарачилар ва божхоначилар Қирғизистон фуқароси бошқарувидаги “КамАЗ” русумли автомашинани қўлга олди. Автомобильни кўздан кечириш чоғида 7 тонна носвой аниқланди.
Вазиятга ойдинлик киритилар экан, чекилмайдиган тамаки маҳсулоти Қирғизистонга кейинчалик сотиш учун Чўнғара назорат-ўтказиш пунктларини четлаб ўтиб ноқонуний олиб чиқиб кетилгани маълум бўлган. Тегишли ҳужжатлар тўлдирилиб, ҳайдовчи ва юк қўшимча тергов ўтказиш учун божхона бошқармаси ҳудудий бўлинмаси ходимларига топширилган.
Изоҳ (0)