Qozog‘istonning Qo‘stanay viloyati ikki tumanidagi dalalarga chigirtkalar hujum qilgani haqida xabar berilgandi. Chigitkalar hosilni nobud qilgani uchun dehqonlarga yetkazilgan zarar qoplanmasligi ma’lum bo‘ldi. Bu haqda Tengrinews xabar berdi.
Qo‘stanay viloyati hududiy inspeksiyasi chigirtkalarga qarshi kurash nazoratga olinganini ma’lum qildi. Hududiy tekshiruvda vaziyat standart ekani, hatto mahalliy ommaviy axborot vositalari uchun brifing ham “chigirtkadan qo‘rqqan qishloq xo‘jaligi bilan shug‘ullanmaydi” degan gap bilan boshlandi. Shu sabab, ekinlari chigirtka bosqinidan zarar ko‘rganlarga zarar to‘lanmaydi.
“Chigirtkalar uchun kompensatsiya yo‘q. Agar qishloq xo‘jaligi ishlab chiqaruvchisining o‘zi hosilni sug‘urta qilgan bo‘lsa, uni olgan bo‘lardi. Lekin bunday vaziyatlarda sug‘urtalovchilar chigirtkalardan sug‘urtalamaydi.
Bizda Qozog‘istonda shunday holat borki, davlat chigirtkalarga qarshi ekinlar yetishtiradi, eng yaqin qo‘shni davlatlarda bunday emas. Masalan, Rossiyada pestitsidlar subsidiyalanadi”, — dedi Qo‘stanay viloyat hududiy inspeksiyasi rasmiysi Darxan Abdikarimov.
Rasmiy maʼlumotlarga ko‘ra, Qo‘stanay viloyatida rejalashtirilgan maydonning qariyb 70 foizi qayta ishlangan. Hozirda hududda chigirtka maksimal darajaga yetgan va kelgusi yilda zararkunandalardan zarar ko‘rgan maydon yanada katta bo‘lishi mumkin. Endi hasharot tuxum qo‘yish bilan shug‘ullanadi va ozuqlanmaydi, shu uchun u ekinlarni yo‘q qilmaydi.
Hozirgacha 500 gektar arpa chigirtka bosqinidan jabr ko‘rgan, darvoqe, bu ko‘rsatkich hasharotlar bostirib kelgan dastlabki kunlardan beri o‘zgarmagan.
“Vaziyat nazorat ostida, bemalol ayta olamanki, global zarar yo‘q. Jangeldi tumanida 500 gektar maydonda zarar qayd etilgan, ammo sayg‘oq yetkazgan zararni ham qo‘shish kerak. Qayerga bormay muloqot chigirtkadan boshlanib, sayg‘oq bilan yakunlanadi. Rasmiy shikoyatlar yo‘q.
Qayerdadir telefon qo‘ng‘iroqlari, qayerdadir blogerlar auditoriyani ko‘paytirish uchun suratga olmoqda ehtimol, ularning maqsadi nima ekanini bilmayman. Endi vaqtimiz yo‘q, lekin keyinroq soxta ma’lumotlar qayerda e’lon qilinganini hal qilamiz”, — deyiladi Qo‘stanay viloyati inspeksiyasida.
Izoh (0)