Чигирткалар босқини: Қозоғистонда фермерларга етказилган зарар қопланадими?

Қозоғистоннинг Қўстанай вилояти икки туманидаги далаларга чигирткалар ҳужум қилгани ҳақида хабар берилганди. Чигиткалар ҳосилни нобуд қилгани учун деҳқонларга етказилган зарар қопланмаслиги маълум бўлди. Бу ҳақда Tengrinews хабар берди.

Қўстанай вилояти ҳудудий инспекцияси чигирткаларга қарши кураш назоратга олинганини маълум қилди. Ҳудудий текширувда вазият стандарт экани, ҳатто маҳаллий оммавий ахборот воситалари учун брифинг ҳам “чигирткадан қўрққан қишлоқ хўжалиги билан шуғулланмайди” деган гап билан бошланди. Шу сабаб, экинлари чигиртка босқинидан зарар кўрганларга зарар тўланмайди.

“Чигирткалар учун компенсация йўқ. Агар қишлоқ хўжалиги ишлаб чиқарувчисининг ўзи ҳосилни суғурта қилган бўлса, уни олган бўларди. Лекин бундай вазиятларда суғурталовчилар чигирткалардан суғурталамайди.

Бизда Қозоғистонда шундай ҳолат борки, давлат чигирткаларга қарши экинлар етиштиради, энг яқин қўшни давлатларда бундай эмас. Масалан, Россияда пестицидлар субсидияланади”, — деди Қўстанай вилоят ҳудудий инспекцияси расмийси Дархан Абдикаримов.

Расмий маълумотларга кўра, Қўстанай вилоятида режалаштирилган майдоннинг қарийб 70 фоизи қайта ишланган. Ҳозирда ҳудудда чигиртка максимал даражага етган ва келгуси йилда зараркунандалардан зарар кўрган майдон янада катта бўлиши мумкин. Энди ҳашарот тухум қўйиш билан шуғулланади ва озуқланмайди, шу учун у экинларни йўқ қилмайди. 

Ҳозиргача 500 гектар арпа чигиртка босқинидан жабр кўрган, дарвоқе, бу кўрсаткич ҳашаротлар бостириб келган дастлабки кунлардан бери ўзгармаган.

“Вазият назорат остида, бемалол айта оламанки, глобал зарар йўқ. Жангелди туманида 500 гектар майдонда зарар қайд этилган, аммо сайғоқ етказган зарарни ҳам қўшиш керак. Қаерга бормай мулоқот чигирткадан бошланиб, сайғоқ билан якунланади. Расмий шикоятлар йўқ.

Қаердадир телефон қўнғироқлари, қаердадир блогерлар аудиторияни кўпайтириш учун суратга олмоқда эҳтимол, уларнинг мақсади нима эканини билмайман. Энди вақтимиз йўқ, лекин кейинроқ сохта маълумотлар қаерда эълон қилинганини ҳал қиламиз”, — дейилади Қўстанай вилояти инспекциясида.