Ўзбекистоннинг амалдаги президенти, Тадбиркорлар ва ишбилармонлар ҳаракати — Ўзбекистон Либерал-демократик партиясидан президентликка номзод Шавкат Мирзиёев 9 июль куни сайловда овоз берди.
У Тошкент шаҳридаги 59-сайлов участкасига оила аъзолари билан бирга ташриф буюрди.
Бундан аввал “Адолат”, Экологик партия ва Халқ демократик партиясидан Ўзбекистон президентлигига номзодлар оила аъзолари билан сайловда овоз берганди.
Маълумот учун, тўрт нафар номзод президентлик учун курашмоқда. Улар — Халқ демократик партиясидан Улуғбек Иноятов, ЎзЛиДеПдан Шавкат Мирзиёев, “Адолат” партиясидан Робахон Маҳмудова ҳамда Экопартиядан Абдушукур Ҳамзаев. Сайловда ғолиб бўлган номзод президентликка 7 йилга сайланади. Бу ҳақда янгиланган Конституцияда белгилаб қўйилган.
Изоҳ (0)