“PSJ” hujumchisi Kilian Mbappe France Football talqiniga ko‘ra, 2022/23-yilgi mavsumning eng yaxshi fransuz futbolchisi sovrinini qo‘lga kiritdi.
Mbappe ushbu sovringa uchinchi bor ega chiqdi va Mishel Platini, Jan-Pyer Papen, Zinedin Zidan, Frank Riberi kabi futbolchilarni ortda qoldirib, Alen Jiress bilan tenglashib oldi.
Rekordchilar — Tyerri Anri (5) va Karim Benzema (4) hisoblanadi.
Kilian o‘tgan mavsum “PSJ” safida Fransiya chempionligini qo‘lga kiritdi va 29 ta gol bilan turnir to‘purariga aylandi. Shuningdek, Fransiya chempionatining eng yaxshi futbolchisi nomiga sazovor bo‘ldi.
Mbappe 2022-yilgi Jahon Chempionati finaliga qadar yetib bordi va 8 ta gol bilan to‘purarga aylangandi.
Izoh (0)