Nima uchun yutinganda tomoq og‘riydi va bu vaqtda nima qilish kerak?

Yutish paytida og‘riq tomoq yallig‘lanishi yoki faringit tufayli yuzaga keladi. Yallig‘lanish nafaqat virus va bakteriyalarga, balki har qanday qo‘zg‘atuvchiga javobdir. Masalan, kuyish yoki kimyoviy moddalar bilan zaharlanish bilan ham yallig‘lanish hosil bo‘ladi.

Qanday omillar tomoqni yanada zaifroq qiladi?

Hech kim tomoq og‘rig‘idan mutlaqo himoyalangan emas, lekin ba’zi omillar bizni ko‘proq sezgir qiladi. Bularga quyidagilar kiradi:

• 3 yoshdan 15 yoshgacha bo‘lgan bolalar, chunki o‘sha paytda bolalar streptokokk infeksiyasini yuqtirish ehtimoli ko‘proq.
• Chekish, passiv chekish ham. Tutun shilliq qavatlarni bezovta qiladi, tutun mahsulotlari esa og‘iz, tomoq, halqum va o‘pka saratoni rivojlanish xavfini oshiradi.
• Allergiya, chunki u ham shilliq qavatning yallig‘lanishi va tirnash xususiyatini keltirib chiqaradi.
• Kimyoviy tirnash xususiyati beruvchi moddalar, masalan, sanoat kimyoviy moddalari, yoqilg‘i va boshqa xavfli moddalar bilan ishlash, ta’sir qilish.
• Surunkali burun infeksiyalari, chunki shilimshiq tomoqqa tushadi va uni bezovta qiladi.
• Odamlar ko‘p to‘planadigan joylar, masalan, bog‘larda, maktablarda, idoralarda, yotoqxonalarda.
• Immunitetning zaiflashishi, masalan, OIV infeksiyasi, diabet, steroid yoki kimyoterapiya bilan davolanish, surunkali stress, to‘yib ovqatlanmaslik.

Nima uchun yutinganda tomoq og‘riydi?

Aksariyat hollarda sabab virusli infeksiyadir, ammo boshqa variantlar ham bo‘lishi mumkin.

Virusli infeksiyalar

Ko‘pincha tomoq virusli infeksiyalar tufayli og‘riydi, masalan:

• O‘RVI, shu jumladan, gripp va COVID-19;
• mononuklyoz;
• qizamiq;
• suvchechak;
• difteriya;
• ko‘k yo‘tal.

Bakterial infeksiyalar

Tomoq og‘rig‘iga bakteriyalar ham sabab bo‘ladi. Eng ko‘p uchraydigan patogen A guruhi streptokokki bo‘lib, anginaga olib keladi.

Quruq havo

Quruq havo qichishish va tomoq og‘rig‘iga olib kelishi mumkin. Shuningdek, quruqlik burun orqali emas, balki og‘iz orqali nafas olayotganda paydo bo‘ladi. Masalan, burun bitganda bu sodir bo‘ladi. Buning sababi shuki, havo burun yo‘llari orqali o‘tganda namlanadi, ammo og‘iz orqali nafas olayotganda u namlanmaydi.

Allergiya

Allergiyaning kuchayishi o‘z-o‘zidan tomoqni bezovta qilishi va og‘riq va qichishishga olib kelishi mumkin. Burundagi shilimshiq u yerga oqib tushganda, yallig‘lanish yanada kuchayadi.

Qo‘zg‘atuvchi moddalar

Agar allergiya faqat sezgir odamlarda paydo bo‘lsa, quyidagi holatlarda esa har qanday odam bezovtalanishi mumkin:

• tamaki tutuni tufayli;
• maishiy kimyoviy moddalarining bug‘lari;
• achchiq ovqat;
• spirtli ichimliklar ichish, tamaki;
• mushaklarning zo‘riqishi.

Tomoq og‘rig‘i — o‘qituvchilar, texnik yordam operatorlari va boshqa “gapiruvchi” mutaxassislarning doimiy hamrohi. Bu holat doimiy mushaklar zo‘riqishiga olib keladi. Bundan tashqari, og‘riq, masalan, kontsertdan keyin baland ovozda kuylashdan ham kelib chiqadi.

Gastroezofagial reflyuks kasalligi

GERD — oshqozon tarkibi qizilo‘ngachga qaytib keladigan holat. Bu ko‘ngil aynishi, ovozning xirillashi, quruq yo‘tal, ayniqsa, kechasi kuchayadi.

OIV infeksiyasi

OIV infeksiyasini yuqtirgandan so‘ng, ko‘pincha grippga o‘xshash sindrom rivojlanadi, bu ham tomoq og‘rig‘ini o‘z ichiga oladi. Infeksiya rivojlanishi bilan immunitet zaiflashadi, odam og‘iz va faringeal kandidozga, shuningdek, yutish paytida og‘riq sifatida namoyon bo‘ladigan sitomegalovirus infeksiyasiga nisbatan zaif bo‘ladi.

Shishlar

Tomoq, til yoki halqumning shishishi tomoq og‘rig‘i bilan namoyon bo‘lishi mumkin. Boshqa belgilar yoki alomatlarga ovozning xirillashi, yutish va nafas olishning qiyinligi, tuprik va balg‘amning qon aralash ajralishi kiradi.

Tomoq og‘riganda qachon shifokorga murojaat qilish kerak?

Odatda tomoq og‘rig‘i o‘z-o‘zidan tuzaladi, lekin ba’zida  terapevt yoki pediatrga murojaat qilishingiz kerak.

Qaysi hollarda tez yordam chaqirish zarur?

Shoshilinch tibbiy yordam kerak, agar:

• yutish yoki nafas olishda qiyinchilik bo‘lganda;
• nafas olish xirillash va shovqinga aylansa;
• og‘riq juda kuchli va vaziyat faqat yomonlashsa.

Amerika Pediatriya Akademiyasi, agar tomoq og‘rig‘i choy kabi ichimlikni birinchi qultumdan keyin ham yo‘qolmasa, bolani shifokorga olib borishni maslahat beradi.

Kattalar uchun hamma narsa osonroq — agar tomoq og‘rig‘i kuzatilsa, terapevtga tashrif buyurishingiz kerak, qachonki kasallik:

• bir hafta ichida o‘tmaydi;
• tez-tez sodir bo‘ladi;
• xavotirga sabab bo‘ladi;
• yuqori harorat bilan birga kechsa;

Tomoq og‘rig‘ini o‘zingiz qanday yengillashtirasiz?

Ko‘pincha tomoq og‘rig‘i 5-7 kun ichida o‘z-o‘zidan o‘tib ketadi, ammo tiklanishdan oldin o‘z ahvolingizni biroz yengillashtirishga harakat qilishingiz mumkin. Agar yutish og‘riq bilan bo‘lsa, holatni yaxshilashning ba’zi usullari:

• Muz kublarini so‘ring, muzqaymoq yeng (lekin ikki yoshgacha bo‘lgan bolalarga muzqaymoq bermang, ular bo‘g‘ilib qolishi mumkin). Ko‘p odamlar bolaligida muzqaymoq tomoq og‘rig‘iga olib kelishi mumkinligidan qo‘rqishgan bo‘lsa-da, sovuq aslida yallig‘lanishni kamaytiradi.
• Shilliq pardalar qurib ketmasligi uchun namlagichni tez-tez yoqing.
• Shishni yengillashtirish uchun tomoqni sho‘r suv bilan chayqang.
• Ko‘p miqdorda iliq suyuqlik iching. Ammo yallig‘lanishni kuchaytirmaslik uchun issiq bo‘lmasin.
• Asal iste’mol qiling, ayniqsa, yo‘talayotgan bo‘lsangiz. Esda tutingki, bir yoshgacha bo‘lgan bolalar uchun asal tavsiya etilmaydi.
• Lozim bo‘lsa, antigistamin kabi retseptsiz dori-darmonlarni qabul qiling. Bundan tashqari, ular shishishni yengillashtiradi.

Tomoq og‘rig‘idan qanday himoyalanish kerak?

Tomoq og‘rig‘ining asosiy sababi infeksiyalar bo‘lganligi sababli, patogenlardan qochish juda muhimdir. Ushbu maslahatlarga amal qiling va ularni bolalaringiz bilan baham ko‘ring:

• Qo‘lingizni kamida 20 soniya davomida yuving, ayniqsa, hojatxonadan foydalangandan keyin, ovqatdan oldin va keyin, aksirish yoki yo‘talishdan so‘ng.
• Ko‘zlaringiz, buruningiz va og‘zingizga keraksiz tegmaslikdan saqlaning.
• Oziq-ovqat, stakan yoki idishlarni boshqa odamlar bilan baham ko‘rmang.
• Salfetkaga yo‘taling yoki aksiring, so‘ng darhol uni tashlang va qo‘lingizni yuving.
• Farzandlaringizni va o‘zingizni o‘z vaqtida emlating. Misol uchun grippga qarshi emlash har yili, sovuq mavsum boshlanishidan oldin amalga oshirilishi kerak.
• Qo‘lingizni yuvolmasangiz, alkogolli dezinfeksiyalash vositasidan foydalaning.
• Telefonlar, eshik tutqichlari, pult va kompyuter klaviaturalarini muntazam tozalang va dezinfeksiya qiling.
• Sayohat paytida mehmonxona xonangizdagi telefonlar, kalitlar va pultlarni tozalashni unutmang.
• O‘RVI belgilari bo‘lgan odamlar bilan yaqin muloqot qilishdan saqlaning.