Polsha prezidenti Anjey Duda Ukraina soddalashtirilgan tartib asosida NATOga qabul qilinishiga umid qilmoqda.
“Umid qilamizki, ittifoqchilarimiz Ukraina NATOga a’zo bo‘lish uchun unga hech qanday dastlabki qadamlar kerak emasligi to‘g‘risida qat’iy qaror qabul qilishadi, Ukraina soddalashtirilgan tartibda NATOga qabul qilinadi”, — dedi Duda.
“Ukrainaga nisbatan ittifoqchilar birdamligini yana bir bor tasdiqlashimiz biz uchun juda muhim”, — deya qo‘shimcha qildi Duda.
Avvalroq Vladimir Zelenskiy agar Ukraina iyul oyida Vilnyusda bo‘lib o‘tadigan sammitda NATOga taklif ololmasa, bu Ukraina qo‘shinlarini ruhiy tushkunlikka olib kelishini aytgan edi. Uning so‘zlariga ko‘ra, u Yevropa davlatlari rahbarlari, AQSH prezidenti Jo Bayden, NATO bosh kotibi Yens Stoltenberg bilan bir necha bor gaplashgan va ulardan Ukrainani qo‘llab-quvvatlashni so‘ragan.
19-iyun kuni Stoltenberg Vilnyusdagi sammitda va unga tayyorgarlik jarayonida ittifoqchilar Ukrainaga rasmiy taklif masalasini muhokama qilmayotgani, balki Kiyevni alyansga qo‘shilishga yaqinlashtiradigan qarorlar bo‘yicha maslahatlashuvlar o‘tkazayotganini aytgandi.
Izoh (0)