Braziliyada siklon va yog‘ingarchilik 11 kishining hayotiga zomin bo‘ldi

Braziliya janubida sodir bo‘lgan siklon oqibatida 11 kishi halok bo‘ldi, 20 kishi bedarak yo‘qoldi, deb yozmoqda “Zakon.kz”.

Braziliya hukumati ma’lum qilishicha, bo‘ron kuchli yog‘ingarchilik olib kelgan hududlarda vertolyotlar 20 nafar bedarak yo‘qolgan odamni izlamoqda.

Siklondan eng ko‘p zarar ko‘rgan shaharlardan biri Karaa bo‘ldi, unda 8000 dan ortiq aholi yashaydi.

“Karaadagi vaziyat bizni chuqur tashvishga solmoqda. Biz birlashgan holda asosiy zararlangan hududlarni tezkor xaritaga tushirishimiz va yordamga muhtoj odamlarni aniqlashimiz nihoyatda zarur”, — dedi shahar gubernatori.

Jabrlangan hududlarning ko‘plab aholisi o‘z shahridagi ochiq sport maydonchalarini boshpana qilgan. Rasmiylar bir necha hududlarda ko‘chki xavfi haqida ogohlantirgan.

Avvalroq Hindistonga kuchli “Biparjoy” sikloni yopirilgani, oqibatida kamida ikki kishi halok bo‘lgani haqida xabar berilgandi.