Misr kompaniyasi tomonidan Navoiy viloyatida 50 mln dollarlik sanoat zonasini tashkil etishi mumkin. Bu haqda viloyat hokimligi axborot xizmati xabar berdi.
Unga ko‘ra, Navoiy viloyati hokimi Normat Tursunov Misr Arab Respublikasining Orascom Construction kompaniyasi vakillari Amr El-Batrik va Omar Bebarslar bilan uchrashdi.
Uchrashuv davomida Misr kompaniyasi tomonidan Navoiy viloyatiga qiymati 50 mln dollar bo‘lgan 200 ga yer maydonida sanoat zonasini tashkil etish yuzasidan muzokaralar olib borildi.
Muzokaralar davomida O‘zbekistonda so‘nggi yillarda amalga oshirilayotgan islohotlar, mahalliy va xorijiy investorlar uchun yaratilayotgan imkoniyatlar hamda viloyatning investision salohiyati haqida ma‘lumot berildi.
Shuningdek, xorijiy investorlarga sanoat zonasini tashkil etish uchun qulay bo‘lgan yer maydonlari to‘g‘risida ham ma‘lumotlar taqdim etildi.
Izoh (0)