Samarqand viloyati Kattaqo‘rg‘on tumanida ayol eri bilan janjallashib qolgani sababli farzandini qiynagani haqida xabar berilgan edi. Mazkur holat yuzasidan sud jarayoni bo‘lib o‘tdi.
Kattaqo‘rg‘on tumani jinoyat ishlari bo‘yicha sud binosida mazkur ish ko‘rib chiqildi. Unda ayol qilmishiga izoh berib, shu orqali erini yaxshi yo‘lga chorlamoqchi bo‘lganini aytgan.
“Men aybimga iqrorman. Qilgan ishimdan pushaymonman. Erim Rossiyadan kelsa oilamni tiklamoqchiman. Bolalarimga azob berish niyatida bo‘lmaganman. Erim videoni ko‘rib to‘g‘ri yo‘lga o‘tadi, deb o‘ylagan edim. Suddan yengillik so‘rayman”, — deydi ayol.
Sudda ayolning qaynonasi nabiralarini uning qaramog‘iga olib berishlarini so‘ragan. Sudlanuvchi ayol eri ham jazolanishi kerakligini, aybiga iqror bo‘lishini talab qilib, janjal chiqardi.
Hukmga ko‘ra, ayol Jinoyat kodeksining 112-moddasi 1-qismida nazarda tutilgan jinoyatni sodir etganlikda aybli deb topildi va BHMning 25 barobari miqdorida jarima jazosi davlat hisobiga undirilishi belgilandi.
Izoh (0)