Самарқанд вилояти Каттақўрғон туманида аёл эри билан жанжаллашиб қолгани сабабли фарзандини қийнагани ҳақида хабар берилган эди. Мазкур ҳолат юзасидан суд жараёни бўлиб ўтди.
Каттақўрғон тумани жиноят ишлари бўйича суд биносида мазкур иш кўриб чиқилди. Унда аёл қилмишига изоҳ бериб, шу орқали эрини яхши йўлга чорламоқчи бўлганини айтган.
“Мен айбимга иқрорман. Қилган ишимдан пушаймонман. Эрим Россиядан келса оиламни тикламоқчиман. Болаларимга азоб бериш ниятида бўлмаганман. Эрим видеони кўриб тўғри йўлга ўтади, деб ўйлаган эдим. Суддан енгиллик сўрайман”, — дейди аёл.
Судда аёлнинг қайнонаси набираларини унинг қарамоғига олиб беришларини сўраган. Судланувчи аёл эри ҳам жазоланиши кераклигини, айбига иқрор бўлишини талаб қилиб, жанжал чиқарди.
Ҳукмга кўра, аёл Жиноят кодексининг 112-моддаси 1-қисмида назарда тутилган жиноятни содир этганликда айбли деб топилди ва БҲМнинг 25 баробари миқдорида жарима жазоси давлат ҳисобига ундирилиши белгиланди.
Изоҳ (0)