Qozog‘istonning O‘zbekiston bilan chegarasida turnaqator navbat yuzaga keldi

Qozog‘istonning Rossiya, Qirg‘iziston va O‘zbekiston bilan chegarasida turnaqator navbat yuzaga keldi. Bu haqda “Orda.kz” xabar berdi.

Ma’lum qilinishicha, chegaraning ayrim uchastkasida odamlar va avtomashinalar to‘planib qolgan. Qozog‘iston milliy xavfsizlik qo‘mitasi buning sababini keltirib o‘tdi.

• tirbandlik kuzatilgan yo‘nalishlar bo‘yicha nazorat o‘tkazish punktlarini qisman rekonstruksiya qilish;
• meva va sabzavotlarni tashish davrida Qozog‘istonga kiruvchi transportning ko‘payishi;
• transport tashkilotlarining tranzit salohiyatini oshirish;
• sayyohlik mavsumida yo‘lovchilar oqimining an’anaviy o‘sishi.

Ayni paytda Qozog‘iston Respublikasi Milliy xavfsizlik qo‘mitasi chegara xizmati nazorat-o‘tkazish punktlari kecha-yu kunduz ishlayotganini ta’kidladi.

“Transport vositalarini ko‘rikdan o‘tkazish va chegaradan o‘tayotgan shaxslarning hujjatlarini tekshirishning zamonaviy va avtomatlashtirilgan tizimlarini qo‘llash orqali odamlar va transport vositalarining to‘planishini kamaytirish choralari ko‘rilmoqda”, — deyiladi bayonotda.