Butun O‘zbekistondan kelgan geymerlar “InfinBANK Club Tournament Uzbekistan” respublika turnirida qatnashish va 25 000 000 so‘mlik sovrin jamg‘armasi uchun kurashish maqsadida to‘planishdi.
Yakshanba kuni musobaqaning final bosqichi bo‘lib o‘tdi, unda eng yaxshi kompyuter klublari o‘zaro bellashishdi. To‘rt nafar finalchi O‘zbekistonning turli hududlaridan kelgan 38 ta jamoadan iborat og‘ir saralash bosqichidan o‘tdi. Finalchilar yaxshi tashkil qilingan va o‘zaro hamjihat jamoa sifatida ishlash, shuningdek, butun bellashuv taqdirini o‘zgartirishi mumkin bo‘lgan qarorlarni tezda qabul qilish naqadar muhimligini ko‘rsatishdi.
Barcha finalchilar munosib taqdirlandi. Birinchi o‘rin uchun InfinBANK “TT Team” jamoasiga 14 000 000 so‘mlik chekni topshirdi. “Storm” jamoasi ikkinchi o‘rinni egallab, 6 000 000 so‘m mukofotga sazovor bo‘lgan bo‘lsa, uchinchi va to‘rtinchi o‘rinlarni egallagan “MVP” va “Meta” jamoalari mos ravishda 3 000 000 va 2 000 000 so‘mlik cheklarni qo‘lga kiritishdi.
.jpg)
“Sahna va final kuni hayajonli edi! Energiya, zal, strim – hamma narsa eng yuqori darajada. Finalda kechgan his-tuyg‘ularni so‘z bilan ifodalab bo‘lmaydi”, deya o‘z taassurotlari bilan o‘rtoqlashdi “Meta” jamoasi o‘yinchisi MukhaS.
Turnirning eng yaxshi o‘yinchisi, “Storm” jamoasi a’zosi Urururkinga “UPG” do‘konidan 2 000 000 so‘mlik vaucher tantanali ravishda topshirildi.
Qayd etish joiz, so‘nggi yillarda O‘zbekistonda kibersport faol rivojlanib bormoqda va bu yo‘nalishda yoshlarni qo‘llab-quvvatlash, ularning salohiyatini yuzaga chiqarish “InfinBANK” AJ missiyasining ajralmas qismi hisoblanadi.
.jpg)
InfinBANK davlatimiz rahbarining 2022-yil 16-noyabrdagi “Kibersport turlarini yanada rivojlantirish va keng ommalashtirishga oid qo‘shimcha chora-tadbirlar to‘g‘risida”gi qaroriga muvofiq o‘tkazilgan mazkur turnirning titul homiysi sifatida ishtirok etdi.
Biroq, eng hayajonli lahzalar hali oldinda. G‘olib jamoa endi 1-2-iyul kunlari Bishkek shahrida bo‘lib o‘tadigan grand-finalda O‘zbekiston nomidan qatnashish imkoniyatiga ega bo‘ladi. Mazkur bosqichda Qirg‘iziston, Qozog‘iston va O‘zbekiston jamoalari to‘qnash kelishadi.
InfinBANK g‘olib jamoaga Qirg‘iziston poytaxtida bo‘lib o‘tadigan geymerlar bellashuvida omad tilaydi! Biznikilarni qo‘llab-quvvatlaymiz!
Reklama huquqi asosida.
Izoh (0)