Бутун Ўзбекистондан келган геймерлар “InfinBANK Cлуб Tourнамент Узбекистан” республика турнирида қатнашиш ва 25 000 000 сўмлик соврин жамғармаси учун курашиш мақсадида тўпланишди.
Якшанба куни мусобақанинг финал босқичи бўлиб ўтди, унда энг яхши компьютер клублари ўзаро беллашишди. Тўрт нафар финалчи Ўзбекистоннинг турли ҳудудларидан келган 38 та жамоадан иборат оғир саралаш босқичидан ўтди. Финалчилар яхши ташкил қилинган ва ўзаро ҳамжиҳат жамоа сифатида ишлаш, шунингдек, бутун беллашув тақдирини ўзгартириши мумкин бўлган қарорларни тезда қабул қилиш нақадар муҳимлигини кўрсатишди.
Барча финалчилар муносиб тақдирланди. Биринчи ўрин учун InfinBANK “ТТ Теам” жамоасига 14 000 000 сўмлик чекни топширди. “Storm” жамоаси иккинчи ўринни эгаллаб, 6 000 000 сўм мукофотга сазовор бўлган бўлса, учинчи ва тўртинчи ўринларни эгаллаган “МВП” ва “Мета” жамоалари мос равишда 3 000 000 ва 2 000 000 сўмлик чекларни қўлга киритишди.
.jpg)
“Саҳна ва финал куни ҳаяжонли эди! Энергия, зал, стрим – ҳамма нарса энг юқори даражада. Финалда кечган ҳис-туйғуларни сўз билан ифодалаб бўлмайди”, дея ўз таассуротлари билан ўртоқлашди “Мета” жамоаси ўйинчиси МукҳаС.
Турнирнинг энг яхши ўйинчиси, “Storm” жамоаси аъзоси Уруруркинга “UPG” дўконидан 2 000 000 сўмлик ваучер тантанали равишда топширилди.
Қайд этиш жоиз, сўнгги йилларда Ўзбекистонда киберспорт фаол ривожланиб бормоқда ва бу йўналишда ёшларни қўллаб-қувватлаш, уларнинг салоҳиятини юзага чиқариш “InfinBANK” АЖ миссиясининг ажралмас қисми ҳисобланади.
.jpg)
InfinBANK давлатимиз раҳбарининг 2022 йил 16 ноябрдаги “Киберспорт турларини янада ривожлантириш ва кенг оммалаштиришга оид қўшимча чора-тадбирлар тўғрисида”ги қарорига мувофиқ ўтказилган мазкур турнирнинг титул ҳомийси сифатида иштирок этди.
Бироқ, энг ҳаяжонли лаҳзалар ҳали олдинда. Ғолиб жамоа энди 1-2 июль кунлари Бишкек шаҳрида бўлиб ўтадиган гранд-финалда Ўзбекистон номидан қатнашиш имкониятига эга бўлади. Мазкур босқичда Қирғизистон, Қозоғистон ва Ўзбекистон жамоалари тўқнаш келишади.
InfinBANK ғолиб жамоага Қирғизистон пойтахтида бўлиб ўтадиган геймерлар беллашувида омад тилайди! Бизникиларни қўллаб-қувватлаймиз!
Реклама ҳуқуқи асосида.
Изоҳ (0)