Joriy yilning 6-iyun kuni Rim shahrida O‘zbekiston va Italiya ishbilarmon doiralari biznes-forumi bo‘lib o‘tdi. Unda O‘zsanoatqurilishbank hamda Banca Popolare di Sondrio o‘rtasida savdo va investitsiyaviy moliyalashtirish sohasida 50 mln yevroga teng hamkorlik bitimi imzolandi.
Hujjatda Banca Popolare di Sondrio kredit mablag‘lari tadbirkorlik subyektlarining savdo amaliyotlari hamda Italiya va boshqa Yevropa mamlakatlaridan texnologik asbob-uskunalar import qilinishini nazarda tutuvchi investision loyihalarni moliyalashtirishga qaratiladi.
Ta’kidlash joizki, Italiya biznes vakillarining O‘zbekistonga nisbatan qiziqishi o‘sib borayotgan bir paytda moliya muassasalari hamkorligining kengayishi tomonlar ishbilarmon doiralariga har tomonlama qulay imkoniyatlar yaratadi.
Bugungi kunda O‘zsanoatqurilishbank’ning Banca Popolare di Sondrio’dan tashqari Unicredit S.p.A, Intesa Sanpaolo, Sace eksport-kredit agentliklari bilan ham o‘zaro samarali aloqalar yo‘lga qo‘yilgan.
Prezidentimizning Italiyaga tashrifi doirasida bo‘lib o‘tgan mazkur tadbirda, shuningdek, O‘zsanoatqurilishbank tomonidan muassasa faoliyati va O‘zbekistonda biznes-loyihalarni moliyaviy qo‘llab-quvvatlash imkoniyatlariga bag‘ishlangan taqdimot ham o‘tkazildi.
Reklama huquqi asosida.
Izoh (0)