Andijon viloyatining Xo‘jaobod tumanida bir-biriga tutash uchta xonadonda yong‘in yuz berdi. Bu haqda viloyat FVB matbuot xizmati xabar qildi.
12-iyun kuni soat 18:54 da Xo‘jaobod tumani “Guliston” MFY, Oltinmeros ko‘chasidagi xonadonning 70 kvadrat metr maydonida shift, tom qismi va uy ro‘zg‘or buyumlari yongan. Yong‘in qo‘shnisi uyiga o‘tib 30 kvadrat metr tom qismi yongan. Yong‘in yana bir qo‘shnisining uyiga o‘tib 40 kvadrat metr tom qismi yongan.
Hodisa joyiga 5 ta yong‘in-qutqaruv ekipajlari soat 19:05 yetib borgan va yong‘in soat 19:15 da o‘rab olinib, soat 19:55 da o‘chirilgan.
Ayni paytda yong‘inning sababi va zarari aniqlanmoqda. Tan jarohati olgan va halok bo‘lganlar yo‘q.
Izoh (0)