Rossiya Ukraina va uning qarshi hujumiga past baho bermasligi kerak, dedi Rossiya sobiq prezidenti va amaldagi Xavfsizlik kengashi raisi o‘rinbosari Dmitriy Medvedev o‘zining Telegram-kanalida.
Hozir Ukraina olingan mablag‘ va qurollarni “oqlash uchun hujum qilishga majbur”, deb hisoblaydi Medvedev. “Biroq dushman va uni qo‘llab-quvvatlayotgan G‘arb dunyosi mamlakatimizni yer yuzidan yo‘q qilish uchun hamma narsaga tayyor”, — ta’kidladi u. “Shuning uchun hozirda asosiysi maksimal darajada diqqatni jamlash va munosib javob berishdir”.
Uning fikricha, Rossiya dastlab Ukraina hujumini to‘xtatishi, so‘ng o‘zinikini boshlashi kerak.
Ukraina rasmiylari so‘nggi oylarda qarshi hujumga tayyorgarlik ko‘rayotganini bir necha bor e’lon qildi. 5-iyun kuni Ukraina mudofaa vaziri o‘rinbosari Anna Malyar Qurolli kuchlar ayrim hududlarda “hujum amaliyotiga o‘tishni” boshlagani haqida xabar berdi. U Baxmut yo‘nalishini Ukraina armiyasining faol harbiy harakatlari markazi deb atadi. Ukraina prezidenti Vladimir Zelenskiy ham shu yo‘nalishdagi yutuqlarni ma’lum qildi.
Avvalroq Ukraina tashqi ishlar vaziri Dmitriy Kuleba Kiyevda qarshi hujum uchun yetarlicha qurol borligini aytgandi. Hujumda Ukraina G‘arbdagi ittifoqchilari tomonidan taqdim etilgan tanklar, zirhli texnikalar va artilleriya ko‘magidan foydalanadi.
Izoh (0)