6-iyun kuni Richmond shahrida (Virjiniya shtati) qurollangan shaxs Monro bog‘ida bitiruv marosimiga yig‘ilgan odamlarga qarata o‘q uzgan. Otishma natijasida ikki kishi halok bo‘lgan, besh kishi yaralangan.
U kasalxonaga yotqizilgan. Hujum qilgan shaxs qo‘lga olingan, dedi shahar politsiyasi boshlig‘i vazifasini bajaruvchi Rik Edvards. Uning so‘zlaridan CNN iqtibos keltirmoqda.
Politsiya ma’lumotlariga ko‘ra, hujum qilgan shaxs 19 yoshli yigit bo‘lib, uning yonida to‘rtta to‘pponcha topilgan. Otishmada 18 yoshli bitiruvchi va tadbirda ishtirok etgan 36 yoshli erkak halok bo‘lgan. Tergov hujum qilgan shaxs ulardan biri bilan tanish bo‘lishi mumkin, deb hisoblamoqda.
Bitiruv marosimi Virjiniya Hamdo‘stlik universiteti kampusida joylashgan Monro parkida bo‘lib o‘tdi. Tadbirning rasmiy qismi yakunlangach, bitiruvchilar fotosessiya uchun ko‘chaga chiqqan. Shu payt otishma boshlangan. Telekanal ma’lumotlariga ko‘ra, ko‘chada yuzlab odamlar bo‘lgan.
O‘ldirilgan ikki kishidan tashqari yana besh kishi — 14 yoshli bolakay va 31 yoshdan 58 yoshgacha bo‘lgan to‘rt erkak o‘qdan jarohat olgan. Yana bir to‘qqiz yoshli bolani parkdan qochib ketayotganda mashina urib yuborgan. U kasalxonaga yotqizilgan.
Izoh (0)