Rekord darajadagi pullar. Rolan Garros—2023 musobaqasining umumiy mukofot jamg‘armasi ma’lum qilindi

Fransiyada 26-maydan 11-iyunga qadar tennis bo‘yicha “Ulkan toj” turkumiga kiruvchi Rolan Garros musobaqasi o‘tkaziladi.

Fransiya ochiq chempionatining joriy yilgi umumiy sovrin jamg‘armasi 49,6 million yevroni tashkil qildi. Bu musobaqa tarixidagi rekord natija va o‘tgan yilgiga nisbatan 12,3 foizga ko‘proq.

Quyida yakkalik musobaqalari doirasidagi sovrinlar miqdori bilan tanishish mumkin:

• Birinchi davra — 69 ming yevro
• Ikkinchi davra — 142 ming yevro
• 1/8 final — 240 ming yevro
• Chorak final — 400 ming yevro
• Yarim final — 630 ming yevro
• Final — 1,15 million yevro
• Chempion — 2,3 mln yevro

Shuningdek, joriy yilgi musobaqada saralash bahslari uchun katta miqdorda pullar ajratilgan:

• Birinchi saralash — 16 ming yevro
• Ikkinchi saralash — 22 ming yevro
• Uchinchi saralash — 34 ming yevro

Juftlik bahslari sovrin jamg‘armasi esa quyidagi ko‘rinishni olgan:

• Birinchi davra — 17 ming yevro (jamoa uchun)
• Ikkinchi davra — 27 ming yevro
• 1/8 final — 43 ming yevro
• Chorak final — 80 ming yevro
• Yarim final — 148 ming yevro
• Final — 295 ming yevro
• Chempion — 590 ming yevro

Rolan Garrosning erkaklar toifasida amaldagi chempioni Rafael Nadal ushbu musobaqani jarohat sabab o‘tkazib yuboradi.