УЕФА “Ювентус”ни Еврокубоклардан четлатиши мумкин.
La Gazzetta dello Sport нашрининг хабар беришича, гап клубни бир ёки бир неча йилга Еврокубоклардан четлатилиши ҳақида кетмоқда.
Европа футбол ассоциациялари иттифоқи “Ювентус”нинг Суперлига ғоясидан воз кечишини кутмоқда.
Ундан ташқари туринликларнинг янги раҳбарияти УЕФА раҳбари Александер Чеферин билан алоқага чиқмаяпти. Суперлига ғоясини илгари сураётган “Барселона” президенти Хоан Лапорта апрель ойида Чеферин билан суҳбатлашиш учун Словенияга борган.
“Ювентус”нинг Еврокубоклардаги тақдирини ҳал қиладиган яна бир фактор — клуб молиявий айёрликларга йўл қўйгани. Сўнгги қарорга кўра, А Серияда Турин клубидан 10 очко олиб ташланди ва у 7-ўринга тушиб кетди.
Шунингдек, “бянконерилар”да молиявий фейр-плей қоидаларига риоя қилишга ҳам муаммолар бўлган. “Ювентус” УЕФА билан келишувга эришиб, дастлабки жарима — 19 миллиондан камроқ бўлган 3,5 миллион евро тўлади. Ундан ташқари клубнинг ҳисоботида уйдирмалар бўлиши мумкин.
Ушбу омилларнинг барчасини ҳисобга олган ҳолда Чеферин ва унинг жамоаси “Ювентус”нинг янги раҳбариятининг ҳеч бўлмаганда Суперлига ғоясидан воз кечиш борасида пассивлигидан ҳайратда. Чунки бу ғояни илгари сурган инсонлардан бири Андреа Анелли ҳозир клубда ишламаяпти.
Изоҳ (0)