Qozog‘itonning Chimkent shahrida ish haqini ololmay kelayotgan o‘zbekistonliklarga pullari undirib berildi. Bu haqda Tashqi mehnat migratsiyasi agentligi axborot xizmati xabar berdi.
Unga ko‘ra, Chimkent shahridagi ish beruvchi vaqtinchalik mehnat faoliyatini amalga oshirayotgan o‘zbekistonliklarning ish haqini bermasdan ishlatgan. Tashqi mehnat migratsiyasi agentligining Chimkent shahridagi vakiliga ish haqini undirib berish maqsadida murojaat qilingan.
Murojaatga asosan, ish beruvchi bilan muzokara o‘tkazilib, fuqarolarimizning 6800 AQSH dollari miqdoridagi oylik maoshi undirib berildi.
Izoh (0)