Қозоғистонда иш ҳақини ололмаётган ўзбекистонликларга пуллари ундириб берилди

Қозоғитоннинг Чимкент шаҳрида иш ҳақини ололмай келаётган ўзбекистонликларга пуллари ундириб берилди. Бу ҳақда Ташқи меҳнат миграцияси агентлиги ахборот хизмати хабар берди.

Унга кўра, Чимкент шаҳридаги иш берувчи вақтинчалик меҳнат фаолиятини амалга ошираётган ўзбекистонликларнинг иш ҳақини бермасдан ишлатган. Ташқи меҳнат миграцияси агентлигининг Чимкент шаҳридаги вакилига иш ҳақини ундириб бериш мақсадида мурожаат қилинган.

Мурожаатга асосан, иш берувчи билан музокара ўтказилиб, фуқароларимизнинг 6800 АҚШ доллари миқдоридаги ойлик маоши ундириб берилди.