O‘zbekistonda dam olish kunlari qanday ob-havo bo‘lishi ma’lum qilindi

“O‘zgidromet” 27—28-may kunlariga ob-havo prognozini e’lon qildi.

Unga ko‘ra, dam olish kunlari O‘zbekiston hududining katta qismida kam bulutli va quruq ob-havo saqlanib turadi. Faqat Toshkent viloyatining ayrim tog‘li hududlarida va Farg‘ona vodiysi viloyatlarida bugun va ertaga qisqa muddatli yomg‘ir yog‘ishi mumkin.

Respublikaning shimolida va cho‘l hududlarida ba’zi joylarda shamol biroz 13-18 metr/sekundgacha kuchayishi, chang-to‘zonlar bilan kuzatilishi mumkin,

Shanba, yakshanba kunlari havo harorati ko‘tariladi va 32-35 darajani, shimolda va cho‘l hududlarda 35-37 darajani tashkil etadi. Bunday harorat foni may oyi oxiri uchun bo‘lgan me’yoriy qiymatlarga yaqindir.

Toshkentda  27—28-may kunlari havo ochiq bo‘ladi. Havo harorati kechalari 16-18 daraja, kunduz kunlari 30-33 daraja bo‘ladi.