Samarqand viloyati Paxtachi tumanida 3 nafar voyaga yetmagan bola daryoga cho‘kib ketdi. Bu haqda Bosh prokuratura matbuot kotibi Hayot Shamsutdinov xabar berdi.
Qayd etilishicha, 25-may kuni soat 14:00 larda Paxtachi tumanida 3 nafar voyaga yetmagan bola “Zarafshon” daryosiga cho‘milish maqsadida borib, ehtiyotsizliklari oqibatida cho‘kib ketgan. FVB hamda IIB xodimlari tomonidan olib borilgan qidiruv ishlari natijasida bir nafar bolaning murdasi topilgan.
Qolgan ikki nafar bolani qidirib topish ishlari olib borilmoqda. Hozirda marhumning o‘limi bo‘yicha sud-tibbiyot ekspertizasi tayinlangan.Tergovga qadar tekshiruv harakatlari davom etmoqda.
“Bunday ko‘ngilsiz hodisalarni oldini olish maqsadida cho‘milish ruxsat etilmagan, taʼqiqlangan, oqim tezligi yuqori bo‘lgan, chuqur, o‘ziga notanish bo‘lgan suv havzalarida cho‘milmaslik qoidalariga qatʼiy rioya qilishingizni so‘rab qolamiz”, — deyiladi xabarda.
Izoh (0)