“Ўзгидромет” 27—28 май кунларига об-ҳаво прогнозини эълон қилди.
Унга кўра, дам олиш кунлари Ўзбекистон ҳудудининг катта қисмида кам булутли ва қуруқ об-ҳаво сақланиб туради. Фақат Тошкент вилоятининг айрим тоғли ҳудудларида ва Фарғона водийси вилоятларида бугун ва эртага қисқа муддатли ёмғир ёғиши мумкин.
Республиканинг шимолида ва чўл ҳудудларида баъзи жойларда шамол бир оз 13-18 метр/секундгача кучайиши, чанг-тўзонлар билан кузатилиши мумкин,
Шанба, якшанба кунлари ҳаво ҳарорати кўтарилади ва 32-35 даражани, шимолда ва чўл ҳудудларда 35-37 даражани ташкил этади. Бундай ҳарорат фони май ойи охири учун бўлган меъёрий қийматларга яқиндир.
Тошкентда 27—28 май кунлари ҳаво очиқ бўлади. Ҳаво ҳарорати кечалари 16-18 даража, кундуз кунлари 30-33 даража бўлади.
Изоҳ (0)