Toshkent viloyati Olmaliq shahrida Damas 14 yoshli ikki nafar qizni urib yuborgandi. YTHdan 9 kun o‘tib o‘quvchi qizlardan biri shifoxonada vafot etdi.
15-may kuni 2004-yilda tug‘ilgan haydovchi S.X. boshqaruvidagi Damas avtomashinasida shaharning 21-maktab qarshisidagi piyodalar yo‘lakchasidan o‘tayotgan 14 yoshli ikki nafar o‘quvchi qizni urib yuborib, yo‘l-transport hodisasi sodir etgandi.
Toshkent viloyati IIBB matbuot xizmatining xabar qilishicha, 24-may kuni mashina urib yuborgan qizlardan biri — 2009-yilda tug‘ilgan M.Y. olib borilgan tibbiy muolajalarga qaramay, shifoxonada vafot etgan.
Mazkur YTHga haydovchi svetoforning qizil chirog‘ida harakatlangani sabab bo‘lgandi.
Izoh (0)