Qora dengizda mahalliy ishlab chiqarilgan qisqa masofaga uchuvchi "Tayfun" ballistik raketasi sinovdan o‘tkazildi. Bu haqda Mudofaa sanoati boshqarmasi rahbari Ismoil Demir ma’lumot berdi.
Turkiya ma’muriyati qoshidagi Mudofaa sanoati departamenti ko‘magida Roketsan tomonidan ishlab chiqilgan raketa 23-may kuni mahalliy vaqt bilan soat 06:44 da Qora dengizdagi Rize-Artvin aeroporti hududidan uchirilgan.
Parvoz vaqtida aeroport ichida va atrofida kuchaytirilgan xavfsizlik choralari ko‘rilgan. “Tayfun” ballistik raketasi birinchi marta 2022-yil 18-oktabrda xuddi shu hududdan uchirilgandi.
Prezident Rajab Toyyib Erdo‘g‘on o‘shanda raketa 561 km masofani bosib o‘tganini va masofani 1000 km ga oshirish rejalashtirilayotganini aytdi.
300 km gacha bo‘lgan ballistik raketalar "Taktik ballistik raketalar", 300 dan 1000 km gacha bo‘lgan raketalar esa "Qisqa masofali ballistik raketalar" deb ta’riflanadi.
“Tayfun” raketasi tez orada xizmatga kirishi kutilmoqda, bu esa Turk Qurolli kuchlarining qobiliyatini sezilarli darajada oshiradi.
Izoh (0)