Rossiyaning Samara shahrida Qirg‘iziston va O‘zbekiston fuqarolari giyohvand moddalar savdosida gumonlanib qo‘lga olindi. Bu haqda shahar Ichki ishlar vazirligi xabar berdi.
Giyohvand moddalar savdosini nazorat qilish boshqarmasi xodimlari va maxsus bo‘linma askarlari tomonidan yonilg‘i quyish shoxobchasi yonida “zakladchiklar” ushlangan. Ularning birida oq matoga o‘ralgan narkotik, mobil telefonlarida esa buyurtmani yetkazib berish joyi ko‘rsatilgan suratlar olingan. Tekshiruv davomida ushbu joylardan oq moddalar topilgan.
Keyinchalik ekspertiza gumonlanuvchilar geroin tarqatganini ko‘rsatdi. Uning umumiy og‘irligi deyarli 310 gramm bo‘lgan. Qo‘lga olinganlarga nisbatan jinoyat ishi qo‘zg‘atilgan. Ular qamoqqa olingan.
Izoh (0)