Marvel bilan hamkorlikda ishlash ayrim aktyorlarga mashhur bo‘lish bilan birga, ulkan daromad topishiga ham yordam berdi. Quyida Marvel’ning eng ko‘p haq to‘lanadigan aktyorlari haqida ma’lumot beriladi.
Kris Pratt — 5 million dollar
Kris Pratt Marvel olamiga qo‘shilishdan oldin komedik loyihalarda rol ijro etgan va shunga mos keladigan imidjga ega edi. U Lord roli uchun o‘zini mukammal holatga keltirdi, u hozir barcha janrdagi filmlarda, asosan jangovar loyihalarda rol ijro etadi. Uning birinchi gonorari hozirgilariga qaraganda kamroq edi, biroq aktyor “Qasoskorlar: Cheksizlik jangi” filmidagi kichik roli uchun 5 million dollar gonorar olgan.
Bri Larson — 5 million dollar
Bri Larson ham xuddi shunday vaziyatga tushgan, aktyor “Qasoskorlar: Intiho” filmining asosiy tarkibiga qo‘shildi. Aktyor 2015-yilda qandaydir yutuqlarga erishgan bo‘lsa-da, o‘z karyerasining cho‘qqisidan uzoqda edi. Uning eng ko‘zga ko‘ringan loyihalari — “Xona”, “Kong: Bosh suyagi oroli”, shuningdek, u “Skott Pilgrimga qarshi dunyo” va “Macho va Nerd” filmlarida qo‘shimcha rollarni ijro etgan. Aktrisa “Xona” filmidagi roli uchun eng yaxshi aktrisa sifatida “Oskar” mukofotini oldi va Kapitan Marvel roli uchun 5 million dollarni qo‘lga kiritdi.
Benedikt Kamberbetch — 6,4 million dollar
Benedikt Kamberbetch “Taqlid o‘yini”, “Ayg‘oqchilar o‘yini”, “1917-yil” va “Sherlok” teleseriali kabi filmlar bilan mashhur bo‘lishiga qaramay, Marvel’dagi so‘nggi filmi uchun Bri Larsonning birinchi chiqishidagidan ko‘ra ko‘proq — 6,4 million dollar haq olgan.
Pol Radd — 8 million dollar
Pol Radd 53 yoshda bo‘lishiga qaramay, 35 yoshli insonlarga o‘xshaydi. Tabiiyki, buni inobatga olgan holda, Marvel ijodkorlari Polga filmlardan kam rol taklif qilmadi. Aktyor “Qasoskorlar: Intiho” kinokartinasidagi roli uchun 8 million dollar haq olgan, biroq uning uchinchi aktdagi roli birinchi ikkitasiga nisbatan sezilarli darajada kamaydi.
Jeremi Renner — 15 million dollar
Jeremi Renner muammosi ko‘p bo‘lgan aktyor hisoblansa-da, har xil tasodifiy vaziyatlarga tushib qoladi. Marvel studiyasi “Burgutko‘z” loyihasini tugatishga qaror qilgan paytgacha uni ushlab turdi. Ajablanarlisi shundaki, yakuniy filmdagi unchalik yaxshi bo‘lmagan roli uchun Jeremiga 15 million dollar to‘langan.
Mark Ruffalo — 15 million dollar
Mark Ruffaloda ham xuddi shunday holat yuz bergan. Aktyor ko‘pincha Marvel ijodkorlari uning og‘zini berkitishi va ko‘pincha o‘z filmlarida qat’iy sir saqlanishi kerak bo‘lgan ba’zi sujetlar haqida gapirmasliklari uchun qiynalardi. “Qasoskorlar” filmnining so‘nggi qismi uchun Markga Jeremi Renner kabi 15 million dollar haq to‘langan, ammo jarimalar tufayli bu to‘lovdan bir-ikki million dollar olib qolingan bo‘lishi mumkin.
Kris Evans — 15 million dollar
Kris Evans ko‘p yillar davomida Marvel kinematik olamining o‘z o‘rniga ega bo‘lib kelgan aktyorlaridan biri, aktyor uni multimillionerga aylantirgan ko‘plab filmlarda suratga tushgan. Aktyor “Qasoskorlar: Intiho” filmining oxirgi qismida suratga tushdi va o‘sha film uchun Kris Mark Ruffalo va Jeremeni Renner bilan bir xil — 15 million dollar gonorar olgan. Shu bilan birga, muxlislar Krisning kelajakdagi filmlarda, hech bo‘lmaganda epizod rollarga qaytishi mumkinligini istisno qilishmaydi.
Kris Xemsvort — 20 million dollar
Marvel filmlari tufayli Kris Xemsvort Gollivudni zabt etishga muvaffaq bo‘ldi, shundan so‘ng u “Tayler Reyk: Qutqaruv operatsiyasi”, “Qora kiyimdagi insonlar”, “Oppog‘oy va ovchi”, “Poyga”, “Kavaleriya”, “Dengiz qalbida” kabi filmlarda suratga tushgan. O‘zgarishlar Torga ham ta’sir qildi, u jiddiy personajdan komedik qahramonga aylandi va u “Tor: Sevgi va momaqaldiroq” filmidagi roli uchun 20 million dollar olgan.
Skarlett Yoxansson — 20 million dollar
Boshqa barcha aktyorlar Marvel kinematik olami bilan uchinchi va to‘rtinchi bosqichlar orasida yaxshi xayrlashgan bo‘lsa-da, Skarlett studiyani sudga berdi, chunki Marvel “Qora beva”ni bir vaqtning o‘zida teatrlarda va striming xizmatida ko‘rsatishga qaror qildi. Marvel aktyorlari, gonorardan tashqari teatr to‘lovlarining foizini ham oladi. Filmning striming orqali chiqarilishi Skarlettning daromadiga jiddiy putur yetkazdi, shuning uchun u jiddiy tortishuvni boshladi va sudga bordi. Bunga javoban Marvel studiyasi Skarlett 20 million dollar haq olganini aytdi. Boshqa aktyorlarning kuchli qo‘llab-quvvatlashini inobatga olgan holda, ko‘pchilik Skarlettga ergashishiga umid qilgan, biroq u studiya bilan shartnoma tuzib, da’vosidan voz kechgan.
Robert Dauni — 75 million dollar
Robert Dauni Marvel’ning eng mashhur aktyorlaridan biri. Bu fakt Marvel uchun ham sir emas, buni hech bo‘lmaganda Robert tasdiqlaydi, Forbes ma’lumotlariga ko‘ra, u so‘nggi chiqishi paytida 75 million dollar haq olgan.
Izoh (0)