2023-yilning 17-may sanasida Xitoyning Sian shahrida (Shensi provinsiyasi) “Ipak Yo‘li” Banki vakillari Xitoyning China ZheShang Bank (CZBank) banki vakillari bilan uchrashuv o‘tkazishdi. Muzokaralar davomida ikki tomonlama hamkorlikni rivojlantirish yo‘llari, o‘zbek kompaniyalarining xitoylik hamkorlar bilan ishbilarmonlik munosabatlarini yaxshilash, shuningdek, Xitoydan texnologik uskunalarni sotib olishga qaratilgan savdo operatsiyalarini qo‘llab-quvvatlash va yo‘lga qo‘yish masalalari sanab o‘tildi.
“Ipak Yo‘li” Banki va CZBank o‘rtasidagi uchrashuv chog‘ida banklar o‘rtasida korrespondentlik hisoblarini ochish va yuritishni amalga oshirish maqsadidagi hamkorlik, shuningdek, raqamli bank industriyasiga doir kelishuv imzolandi.
Mazkur bitim Xitoy – Markaziy Osiyo 2023 sammiti doirasida amalga oshirilgan va bu Xitoy va O‘zbekistonning asosiy manfaatlarini qo‘llab-quvvatlagan va o‘zaro hamkorlikni chuqurlashtirgan holda ikki tomonlama munosabatlarning rivojlanishiga xizmat qiladi.
Hujjatga muvofiq, tomonlar moliyaviy institutlar orasidagi korrespondentlik hisoblarini ochish, to‘lov amaliyotlari sohasida o‘zaro manfaatli biznesni birgalikda amalga oshirish va O‘zbekiston hamda Xitoy orasida elektron tijoratni rivojlantirish yo‘nalishlari ustuvor bo‘lgan keng qamrovli aloqalarni qamrab olishni rejalashtirgan.
.jpg)
Maʼlumot uchun:
CZBank o‘z faoliyatini 2004-yil 18-avgustda boshladi, uning bosh ofisi Chjetszyan provinsiyasi, Xanchjou shahrida joylashgan. 2022-yilda CZBank operatsion daromadi 61,152 mlrd yuanni tashkil etdi, bu o‘tgan yilgidan 12,03 foizga ko‘p; bank aksionerlari ulushiga to‘g‘ri kelgan sof daromad 13,618 mlrd yuanni tashkil qildi, bu o‘tgan yilgi ko‘rsatkichdan 7,67 foizga ko‘p.
CZBank 22 ta provinsiya, bevosita Markaziy hukumatga bo‘ysunuvchi munitsipalitet va maxsus maʼmuriy tuman Gonkongda 310 ta filial ochgan.
Reklama huquqi asosida.
Izoh (0)