2023 йилнинг 17 май санасида Хитойнинг Сиан шаҳрида (Шенси провинцияси) “Ипак Йўли” Банки вакиллари Хитойнинг Чина ЗҳеШанг Банк (CЗБанк) банки вакиллари билан учрашув ўтказишди. Музокаралар давомида икки томонлама ҳамкорликни ривожлантириш йўллари, ўзбек компанияларининг хитойлик ҳамкорлар билан ишбилармонлик муносабатларини яхшилаш, шунингдек, Хитойдан технологик ускуналарни сотиб олишга қаратилган савдо операцияларини қўллаб-қувватлаш ва йўлга қўйиш масалалари санаб ўтилди.
“Ипак Йўли” Банки ва CЗБанк ўртасидаги учрашув чоғида банклар ўртасида корреспондентлик ҳисобларини очиш ва юритишни амалга ошириш мақсадидаги ҳамкорлик, шунингдек, рақамли банк индустриясига доир келишув имзоланди.
Мазкур битим Хитой – Марказий Осиё 2023 саммити доирасида амалга оширилган ва бу Хитой ва Ўзбекистоннинг асосий манфаатларини қўллаб-қувватлаган ва ўзаро ҳамкорликни чуқурлаштирган ҳолда икки томонлама муносабатларнинг ривожланишига хизмат қилади.
Ҳужжатга мувофиқ, томонлар молиявий институтлар орасидаги корреспондентлик ҳисобларини очиш, тўлов амалиётлари соҳасида ўзаро манфаатли бизнесни биргаликда амалга ошириш ва Ўзбекистон ҳамда Хитой орасида электрон тижоратни ривожлантириш йўналишлари устувор бўлган кенг қамровли алоқаларни қамраб олишни режалаштирган.
.jpg)
Маълумот учун:
CЗБанк ўз фаолиятини 2004 йил 18 августда бошлади, унинг бош офиси Чжецзян провинцияси, Ханчжоу шаҳрида жойлашган. 2022 йилда CЗБанк операцион даромади 61,152 млрд юанни ташкил этди, бу ўтган йилгидан 12,03 фоизга кўп; банк аксионерлари улушига тўғри келган соф даромад 13,618 млрд юанни ташкил қилди, бу ўтган йилги кўрсаткичдан 7,67 фоизга кўп.
CЗБанк 22 та провинция, бевосита Марказий ҳукуматга бўйсунувчи муниципалитет ва махсус маъмурий туман Гонконгда 310 та филиал очган.
Реклама ҳуқуқи асосида.
Изоҳ (0)