O‘zbekistondagi yirik avtomobil ishlab chiqaruvchilardan biri bo‘lgan ADM Jizzax, Chery International bilan hamkorlikda gibrid avtomobillar va elektromobillar ishlab chiqarishni boshlaganini e'lon qildi.
Qaror ADM Jizzax rahbariyatining Xitoyning yetakchi avtomobil ishlab chiqaruvchilardan biri bo‘lgan Chery kompaniyasi rahbariyati bilan uchrashuvidan so'ng qabul qilindi.
Uchrashuv natijalariga ko'ra, Chery ADM Jizzax bilan birgalikda avtomobillarni to'liq tsiklda ishlab chiqarish, shu jumladan kuzovlarni payvandlash va bo'yash, yig'ish, avtomobillarni sinovdan o'tkazishni (CKD) tashkil etish niyatini tasdiqladi..jpg)
O'zbekistondagi ADM Jizzax tomonidan CKD uslubida yig'iluvchi modellar tomonlarning O'zbekiston avtomobil bozorini tahlil qilishi natijalariga ko'ra tanlanadi, shunga qaramay, modellar qatori quyidagi platformalardan iborat bo'ladi deb taxmin qilinmoqda:
- Tiggo oilasi, shu jumladan, gibrid modellar (PHEV)
- Arrizo oilasi, shu jumladan, gibrid modellar (PHEV)
- elektromobillar.
Modellar qatori, Chery kompaniyasining rejalariga muvofiq doimiy ravishda yangilanib boradi.
Muzokaralar davomida tomonlar, yangi ish o'rinlari yaratish va mamlakat iqtisodiyotini rag'batlantirish imkoniyatlarini yaratuvchi O'zbekistondagi ishlab chiqarish quvvatlarini kengaytirish imkoniyatlarini ham muhokama qildilar.
Bundan tashqari, ADM Jizzax va Chery kompaniyasi vakillari O'zbekiston bozori uchun mavjud bo'lgan Chery avtomobillari modellari qatorini kengaytirish imkoniyatini ko'rib chiqdilar. Bu kam chiqindilar chiqaruvchi va energiyadan samarali foydalanuvchi avtomobillarga ortib borayotgan talabni qondirish imkonini beradi.
Chery bilan bu boradagi hamkorlik, O'zbekistonda ekologik toza texnologiyalarni rivojlantirishda muhim odim bo'ladi. Ushbu hamkorlik orqali o'zbekistonlik iste'molchilar xalqaro sifat va ekologik xavfsizlik standartlariga javob beradigan keng turdagi avtomobillardan foydalanish imkoniyatiga ega bo'ladilar.
ADM Jizzax innovatsiyalarga va o'z mahsulotlarini yaxshilashga, shuningdek, xalqaro bozorlarda o'z ishtirokini kengaytirishga intilib kelmoqda. Chery bilan hamkorlikda kompaniya o'zbek va xalqaro iste'molchilar talablariga javob beradigan yangi avlod avtomobillarini yaratish ustida ish olib boradi.
Chery Uzbekistan rasmiy sahifalarimizda kuzatib boring:
Ishonch telefoni: 71-276-55-55
Reklama huquqi asosida.
Izoh (0)