Samarqand shahrida gaz tarmog‘iga noqonuniy ulangan ko‘p qavatli uy aniqlandi. Bu haqda Prokuratura departamenti axborot xizmati xabar berdi.
Ma’lum qilinishicha, Bosh prokuratura huzuridagi departamentning Samarqand shahar bo‘lim tomonidan gaz ta’minoti bo‘limi xodimlari bilan hamkorlikda tergovga qadar tekshiruv o‘tkazilgan.
“S.B.” MCHJ mas’ul shaxslari Ozod sharq ko‘chasida qurilayotgan ko‘p qavatli uy-joyda 26 dona isitish qozoni hamda 25 dona PG-4 gaz jihozlarini gaz tarmog‘iga o‘zboshimchalik bilan ulagani oqibatida 754,1 mln so‘mlik tabiiy gazdan noqonuniy foydalanilgani aniqlangan.
Mazkur holat yuzasidan Jinoyat kodeksining 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)