“Ал-Қоида” билан алоқадор гуруҳ австралиялик шифокор Кен Эллиоттни озод қилди. У 2016 йилда Буркина-Фасода ўғирлаб кетилганди, деб хабар бермоқда “Zakon.kz”.
Кен Эллиотт рафиқаси Жослин билан Буркина-Фасода экстремистлар томонидан ўғирлаб кетилган пайтда 80 ёшда эди. Эр-хотин мамлакатда 1972 йилдан буён яшаб, шимолий Жибо шаҳрида тиббий клиника қурганди.
“Ал-Қоида”га алоқадор гуруҳ бир неча ҳафтадан сўнг Жослин Эллиоттни озод қилган. Австралиянинг ўша пайтдаги бош вазири Малколм Тернбулл “вазият дипломатик жиҳатдан қийин” эканини айтган.
2023 йил, 19 май куни эрталаб Австралия ташқи ишлар вазири Пенни Вонг Кен Эллиот хавфсиз эканини, рафиқаси Жослин ва болалари билан учрашганини маълум қилди. Баёнотда Эллиоттнинг оиласига омонлик изҳор қилиниб, ҳукуматга ва “шифокорнинг озод этилишида иштирок этган барчага” миннатдорлик билдирилган.
“88 ёшда ва кўп йиллар уйдан узоқда бўлган доктор Эллиотга энди дам олиш ва ўзини тиклаш учун вақт ва ёлғизлик керак. Тушунганингиз ва ҳамдардлигингиз учун ташаккур”.
2018 йилда Жослин турмуш ўртоғининг “умри кам қолгани”ни айтиб, уни озод қилишларини сўраганди.
Аввалроқ Австралия ташқи ишлар ва савдо департаменти фуқароларини “тартибсизликлар давом этаётгани, терактлар, одам ўғирлаш ва бандитизм хавфи юқорилиги” сабабли фуқароларни Буркина-Фасога боришдан тийилишга чақирган эди.
Изоҳ (0)