Hozirda Moskvadagi mavzoleyda saqlanayotgan SSSR asoschisi Vladimir Leninning jasadini yerga dafn qilish masalasi ko‘p yillardan beri Rossiyada turli bahs-munozaralarga sabab bo‘lib keladi.
Bu rejaga Leninning ukasi Dmitriyning nevarasi 45 yoshli Yelena Ulyanova qarshi chiqdi. U rus inqilobchilari oilasining so'nggi vakili hisoblanadi.
“Jasadni mavzoleyda qoldirish kerak”, - dedi Ulyanova. Shu bilan birga, Yelenaning ta'kidlashicha, buvisi uni dafn etishni targ'ib qilib kelgan.
Oktyabr inqilobi rahbari avlodining so'zlariga ko'ra, u har doim o‘z ajdodi bilan ko'rinmas aloqani his qilgan. Qiyin vaziyatlarda Yelena Aleksandr bog'iga kelib, ruhiy jihatdan undan yordam so'raydi.
Vladimir Lenin 1924-yil 21-yanvarda Moskva yaqinida vafot etgan. Uning jasadi balzamlangan va Qizil maydondagi maxsus qurilgan maqbaraga qo'yilgan. 1991-yilda SSSR parchalanganidan keyin inqilobchining jasadini qayta ko'mish masalasi turli darajalarda bir necha bor ko'tarilgan. Ammo o‘z yakuniga yetmay qolgan.
Izoh (0)