Suriyada zilziladan keyin uch oy o‘tib, qutqaruvchilar vayronalar ostidan tirik odamni olib chiqdi. Erkakning shu paytgacha qanday omon qolgani tafsilotlari hozircha noma’lum.
“Akhbar.fouri” nashrining yozishicha, erkak juda ozib ketgan, u kuzatuv va reabilitatsiya uchun shifokorlarga topshirilgan.
Fevral oyi boshida Turkiya janubi-sharqida, Suriya chegarasiga yaqin Qahramonmarash viloyatida 7,7 va 7,6 magnitudali vayronkor zilzilalar sodir bo‘lgan edi.
Mart oyi holatiga ko‘ra, Turkiyada zilzila qurbonlari soni 50 783 kishini tashkil etgan, Suriyada esa 5,8 ming kishidan oshgan. Jami zilzilalar oqibatida Suriyada 400 mingdan ortiq odam jabr ko‘rdi. 1,5 ming kishi vayronalar ostidan qutqarib olindi.
Avval Turkiyadagi zilzila vaqtida derazadan uchib ketgan telefon bir oilaning hayotini saqlab qolgani, Turkiyaning Erzin shahri zilziladan qanday qilib vayronagarchiliklarsiz chiqqani haqida xabar berilgandi.
Izoh (0)