14 май, якшанба куни Туркияда навбатдаги президентлик сайловлари бўлиб ўтди. Соат 17:00 да сайлов участкалари ёпилди, ҳозирда мамлакат ичида ҳам, хорижда ҳам овозлар санаб чиқилмоқда.
“Anadolu” агентлиги маълумотларига кўра, овозларнинг деярли 60 фоизи санаб бўлинган. Айни пайтда президентлик пойгасида амалдаги президент Ражаб Тоййиб Эрдўғон етакчилик қилмоқда. Унга 15 миллиондан ортиқ киши (51,64 фоиз) овоз берди.
Мухолифат номзоди Камол Қиличдарўғли 12 миллиондан ортиқ овоз (42,53 фоиз) билан Эрдўғондан 9 фоизга ортда қолмоқда. “Отатуркчилар иттифоқи”дан Синан Оган 5 фоиздан сал кўпроқ овоз тўпламоқда.
Туркия Марказий сайлов комиссиясига кўра, Туркия тарихида сайловчилар иштироки бўйича янги рекорд ўрнатилди — 93,6 фоиз.
Изоҳ (0)