“O‘zgidromet” 15–17-may kunlari uchun ob-havo ma’lumotini e’lon qildi. Unga ko‘ra, O‘zbekistonda harorat biroz pasayadi, shamol tezligi oshib, ayrim joylarda chang-to‘zonlar yuzaga kelishi mumkin.
Qoraqalpog‘iston Respublikasi, Xorazm viloyatida havo o‘zgarib turadi, 15–16-mayda baʼzi joylarda vaqti-vaqti bilan yomg‘ir yog‘adi, baʼzi joylarda kuchli bo‘ladi, momaqaldiroq bo‘lishi mumkin. 17-mayda yog‘ingarchilik kutilmaydi. G‘arbiy shamol yo‘nalishini o‘zgartirib, sharqdan 7-12 metr/soniya tezlikda esadi, 15–16-mayda baʼzi joylarda 23-25 metr/soniyagacha kuchayishi, ayrim joylarda chang-to‘zonlar bilan kuzatilishi mumkin. Harorat 15-mayda kechasi 15-20 daraja, kunduzi 28-33 daraja, 16-mayda kechasi 13-18 daraja, kunduzi 17-22 daraja, 17-mayda kechasi 10-15 daraja, kunduzi 20-25 daraja bo‘ladi.
Buxoro, Navoiy viloyatlarida havo o‘zgarib turadi, 15-mayda yog‘ingarchilik kutilmaydi. 16–17-mayda baʼzi joylarda vaqti-vaqti bilan yomg‘ir yog‘adi, ayrim joylarda kuchli bo‘ladi, momaqaldiroq bo‘lishi mumkin. Sharqiy shamol yo‘nalishini o‘zgartirib, baʼzi joylarda 15-20 metr/soniyagacha kuchayishi, 16-mayda baʼzan 23-25 metr/soniyagacha kuchayishi, ayrim joylarda chang-to‘zonlar bilan kuzatilishi mumkin. Harorat 15-mayda kechasi 17-22 daraja, kunduzi 32-37 daraja, 16-mayda kechasi 15-20 daraja, kunduzi 17-22 daraja, 17-mayda kechasi 12-17 daraja, kunduzi 17-22 daraja bo‘ladi.
Toshkent, Samarqand, Jizzax va Sirdaryo viloyatlarida havo biroz bulutli bo‘ladi, baʼzi joylarda o‘zgarib turadi, 15–16-mayda yog‘ingarchilik kutilmaydi, 17-mayda baʼzi joylarda vaqti-vaqti bilan yomg‘ir yog‘adi, baʼzi joylarda kuchli bo‘ladi, momaqaldiroq bo‘lishi mumkin. Sharqiy shamol yo‘nalishini o‘zgartirib, 17-mayda baʼzi joylarda 15-20 metr/soniyagacha kuchayishi, baʼzan 23-25 metr/soniyagacha kuchayishi, ayrim joylarda chang-to‘zonlar bilan kuzatilishi mumkin. Harorat 15-mayda kechasi 15-20 daraja, kunduzi 30-35 daraja, 16-mayda kechasi 15-20 daraja, kunduzi 28-33 daraja, 17-mayda kechasi 13-18 daraja, kunduzi 17-22 daraja bo‘ladi.
Qashqadaryo va Surxondaryo viloyatlarida havo biroz bulutli bo‘ladi, baʼzi joylarda o‘zgarib turadi, 15–16-mayda yog‘ingarchilik kutilmaydi, 17-mayda baʼzi joylarda vaqti-vaqti bilan yomg‘ir yog‘adi. Qashqadaryo viloyatining baʼzi joylarida kuchli bo‘ladi, momaqaldiroq bo‘lishi mumkin. Sharqiy shamol yo‘nalishini o‘zgartirib, 17-mayda baʼzi joylarda 15-20 metr/soniyagacha kuchayishi, baʼzan 23-25 metr/soniyagacha kuchayishi, ayrim joylarda chang-to‘zonlar bilan kuzatilishi mumkin. Harorat 15-mayda kechasi 17-22 daraja, kunduzi 32-37 daraja, 16-mayda kechasi 17-22 daraja, kunduzi 27-32 daraja, 17-mayda kechasi 17-22 daraja, kunduzi 20-25 daraja bo‘ladi.
Andijon, Namangan, Farg‘ona viloyatlarida havo biroz bulutli bo‘ladi, baʼzi joylarda o‘zgarib turadi, 15-16-mayda yog‘ingarchilik kutilmaydi, 17-mayda baʼzi joylarda vaqti-vaqti bilan yomg‘ir yog‘adi, momaqaldiroq bo‘lishi mumkin. Shamol baʼzi joylarda 15-20 metr/soniyagacha kuchayishi, baʼzan 23-25 metr/soniyagacha kuchayishi, ayrim joylarda chang-to‘zonlar bilan kuzatilishi mumkin. Harorat 15-mayda kechasi 13-18 daraja, kunduzi 30-35 daraja, 16-mayda kechasi 15-20 daraja, kunduzi 27-32 daraja, 17-mayda kechasi 13-18 daraja, kunduzi 18-23 daraja bo‘ladi.
Respublikaning tog‘oldi va tog‘li hududlarida havo o‘zgarib turadi, baʼzi joylarda qisqa muddatli yomg‘ir yog‘adi, momaqaldiroq bo‘lishi mumkin. 17-mayda baʼzi joylarda kuchli bo‘ladi, momaqaldiroq bo‘lishi mumkin. Sharqiy shamol yo‘nalishini o‘zgartirib, g‘arbdan 7-12 metr/soniya tezlikda esadi, 13-18 metr/soniyagacha kuchayishi mumkin. Harorat kechasi 8-13 daraja, kunduzi 15-mayda 18-23 daraja, 16–17-mayda 14-19 daraja bo‘ladi.
Izoh (0)