Madaniyat va turizm vazirligi “Ishlab chiqarish korxonalari xodimlarining ish vaqti va dam olish kunlarini mazmunli o‘tkazish hamda madaniy saviyasini yanada oshirish chora-tadbirlari to‘g‘risida”gi hukumat qarori loyihasini muhokamaga qo‘ydi.
Hujjat loyihasi bilan respublikada mavjud barcha ishlab chiqarish korxonalariga ish kuni boshlanishi va tugashi paytida milliy kuy va qo‘shiqlar, shu jumladan, maqomning eshitilib turishi amaliyotini yo‘lga qo‘yish tavsiya etilmoqda.
Buni yo‘lga qo‘yish bo‘yicha Madaniyat va turizm vazirligi tomonidan tavsiya etilgan asarlar ro‘yxati ilovaga muvofiq tasdiqlanadi.
Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari:
- ishlab chiqarish korxonalarida ish kuni boshlanishi va tugashi paytida milliy kuy va qo‘shiqlar, shu jumladan, maqomning eshitilib turishini yo‘lga qo‘yadi;
- zarur bo‘lganda, korxonada milliy qadriyatlarni tarannum etuvchi kuy va qo‘shiqlar eshittirib borilishi uchun radiouzel tashkil qilish bo‘yicha ishlab chiqarish korxonalari muassislari bilan hamkorlikda ishlarni olib boradi.
Madaniyat va turizm vazirligi hududiy bo‘linmalari bilan birgalikda:
- ishlab chiqarish korxonalari xodimlarining kayfiyatiga ijobiy taʼsir qiladigan, mazkur qaror ilovasiga muvofiq tavsiya etilgan asarlar ro‘yxatidan iborat musiqiy albom tayyorlaydi (mualliflik huquqlariga rioya qilgan holda) hamda ishlab chiqarish korxonalariga taqdim etilishini taʼminlaydi;
- nomoddiy madaniy merosning noyob elementlari bo‘lgan baxshichilik, maqom va askiya sanʼati namunalaridan iborat madaniy tadbirlar dasturlarini tayyorlanadi va ishlab chiqarish korxonalarida namoyish etilishini taʼminlanadi;
- har oyning yigirmanchi sanasiga qadar ishlab chiqarish korxonalariga ular joylashgan hududda kelgusi oyda tashkil etiladigan ommaviy-madaniy va konsert-tomosha tadbirlari haqida maʼlumot berib boriladi.
Izoh (0)