Andijon viloyatida tadbirkorning dizel va benzin yonilg‘isini o‘zlashtirgan shaxslar aniqlandi, deb xabar beradi Bosh prokuratura huzuridagi departament.
Qayd etilishicha, departamentning Andijon viloyat boshqarmasi tomonidan tadbirkorlik subyektlari huquqlarini himoya qilish yuzasidan tergovga qadar tekshiruv o‘tkazilgan. Tekshiruv davomida “A.N.” MCHJ avtoxo‘jalik bo‘limi boshlig‘i M.A. va boshqalar o‘zlarining moddiy javobgarligidagi jami 19,3 ming litr dizel va benzin yonilg‘isini rastrata qilish yo‘li bilan talon-toroj qilgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Talon-toroj holatlari
Jizzax viloyati Sharof Rashidov tumanida ombor mudiri va boshqalar 408 million so‘mlik moslamalarni o‘zlashtirgani aniqlani to‘g‘risida xabar berilgandi. Shuningdek, Gulistonda fuqaro rahbarining yarim mlrd so‘mdan ziyod pulini o‘zlashtirgani, Andijonda sobiq mansabdorlardan biri va uning bosh hisobchisi qamoqqa olingani, Qashqadaryoda 22,9 mlrd so‘mlik gaz talon-toroj qilingani ma’lum bo‘lgan edi.
Izoh (0)