Xalqaro boks assotsiatsiyasi (IBA) prezidenti Umar Kremlyov o‘zbek boksi afsonasi Rufat Risqiyev bilan uchrashdi.
IBA prezidenti boks bo‘yicha birinchi Jahon chempionati g‘olibi Rufat Risqiyevga 10 ming dollar miqdorida mukofot puli topshirdi. Shuningdek, faxriy sportchiga har oy ming dollardan to‘lab borilishini aytib o‘tdi.
Ma’lumot uchun, 68 yoshli Rufat Risqiyev — 1974-yilgi Jahon chempioni va 1976-yilgi Olimpiya o‘yinlarining kumush medali sovrindori. AQSH, Kuba, Avstriya, sobiq Yugoslaviya, Ispaniyada o‘tkazilgan xalqaro turnirlar g‘olibi.
Markaziy Osiyodagi ilk xalqaro toifadagi professional boks hakami. “Hurmat Belgisi”, “Buyuk xizmatlari uchun”, “El-yurt hurmati” ordenlari kavalyeri. Yaqin o‘tmishda – O‘zbekiston professional boks federatsiyasining vitse-prezidenti, ayni paytda – nafaqada.
Izoh (0)