Toshkent mezbonligida o‘tayotgan boks bo‘yicha Jahon chempionatining finalidan o‘rin olgan janglar 13-may, shanba kuni bo‘lib o‘tmoqda.
+92 kg vazn toifasida Bahodir Jalolov kubalik Alexandro Arzola Lopesga qarshi jang qildi. Jalolov birinchi raunddayoq raqibini mag‘lub etdi va oltin medalga ega chiqdi.
Bahodir avvalgi bosqichlarda bahraynlik Danis Latipov, avstraliyalik Teremoana Teremoana va qozog‘istonlik Kamshibek Konkabayevni taslim etgandi. Yarim finalda esa Jalolovning raqibi ispaniyalik Ayub Gadfa Drissi ringga chiqmagani bois, o‘zbekistonlik bokschi avtomatik ravishda finalga yo‘l olgandi.
Final janglarida Asadxo‘ja Mo‘ydinxo‘jayev qozog‘istonlik Dulat Bekbauovni, Hasanboy Do‘stmatov esa fransiyalik Bilol Bennamani yengib, oltin medalga ega chiqqandi.
Izoh (0)