Toshkent mezbonligida o‘tayotgan boks bo‘yicha Jahon chempionatining finalidan o‘rin olgan janglar 13-may, shanba kuni bo‘lib o‘tmoqda.
-51 kg vazn toifasida Hasanboy Do‘stmatov fransiyalik Bilol Bennamaga qarshi ringga ko‘tarildi. Do‘stmatov raqibini birinchi raunddayoq texnik nokaut evaziga mag‘lub etdi va oltin medalga ega chiqdi.
Hasanboy ushbu bosqichga qadar marokashlik Said Mortaji, Meksika vakili Alberto Ximenes, kubalik Erislan Romero, yaponiyalik Tomoya Suboi va ispaniyalik Martin Molinani mag‘lub etgandi.
Final janglarida Asadxo‘ja Mo‘ydinxo‘jayev qozog‘istonlik Dulat Bekbauovni yengib, oltin medalga ega chiqqandi. Shuningdek, bugun Bahodir Jalolov ham o‘z jangini o‘tkazadi.
