Халқаро бокс ассоциацияси (IBA) президенти Умар Кремлёв ўзбек бокси афсонаси Руфат Рисқиев билан учрашди.
IBA президенти бокс бўйича биринчи Жаҳон чемпионати ғолиби Руфат Рисқиевга 10 минг доллар миқдорида мукофот пули топширди. Шунингдек, фахрий спортчига ҳар ой минг доллардан тўлаб борилишини айтиб ўтди.
Маълумот учун, 68 ёшли Руфат Рисқиев — 1974 йилги Жаҳон чемпиони ва 1976 йилги Олимпия ўйинларининг кумуш медали совриндори. АҚШ, Куба, Австрия, собиқ Югославия, Испанияда ўтказилган халқаро турнирлар ғолиби.
Марказий Осиёдаги илк халқаро тоифадаги профессионал бокс ҳаками. “Ҳурмат Белгиси”, “Буюк хизматлари учун”, “Эл-юрт ҳурмати” орденлари кавалери. Яқин ўтмишда – Ўзбекистон профессионал бокс федерациясининг вице-президенти, айни пайтда – нафақада.
Изоҳ (0)